回歸前後二十年 - 好慢! 好慢!

回歸前後二十年 - 好慢! 好慢!

人人都說回歸十年, 但係我想講回歸前後二十年.
一九九八年工業學院畢業, 第一個十年香港回歸, 第二個十年香港回塘!
太多太多, 或者久不久發洩發洩下吧.

第一個十年, 從事technician工作, 後升Engineer, 攪development, 夜晚讀Poly, 重可以接Freelance, 一, 兩年轉一次工, 次次加人工, 想要長假期去旅行便先辭工, 返來才找過份囉.
當時我們和美洲, 歐洲, 曰本公司合作, '車'! 我單起隻手都快過, 好過他們啦, 他們只是負責俾錢我們賺而己. 星加坡, 台灣, 韓國? 未入流啦. 內地, 想都未想過.

再十年過去, 有眼睇: 美洲, 歐洲, 曰本可說是so-so, 星加坡, 台灣, 過了我們頭吧, 韓國上下團結, 有清楚發展目標, 火速發展.
國內發展更加令全世界跌眼鏡. 北京不說, 上海, 天津, 廣州, 東莞, 深圳... 全都過頭了, 眼光短小的香港人不要再自以為是了, 你以為你真係龍頭呀? 咪傻啦.

好慢! 好慢! 香港現在真係好慢. 慢到不能忍受.
全世界都向前走啦, 重係到研究, 諮詢, 再研究, 再諮詢, 你唔接受就攪場大龍鳳, 跟手又司法覆核, 我唔接受就再司法覆核你個司法覆核, 沒完沒了...

你班攪風攪雨, 究竟你們知唔知香港方定圓o架? 點解成功? 點解失敗? 你們所以為的, 根本就不是.