黃毓民建議泛民議員「總辭」

黃毓民建議泛民議員「總辭」 (星島) 12月 26日 星期三 05:30AM

(綜合報道)

(星島日報報道)社民連主席黃毓民昨日建議，如果人大常委會否決二○一二年雙普選，二十六位泛民主派立法會議員集體辭職，並且杯葛○八年立法會選舉，引起國際關注。不過，他指：「泛民都唔會聽㗎啦」、「如果二○一二年無雙普選……各位想保留權位（立法會議員）……唔該加入民建聯、自由黨」。公民黨湯家驊則指，如果○八年立法會沒有民主派的立法會議員，「市民唔想要的法案都可以通過，例如二十三條立法」。

社民連昨日在銅鑼灣 街頭舉行街頭論壇，前綫召集人劉慧卿、公民黨湯家驊、民主黨中央委員黃成智均出席該論壇。論壇上，各講者都堅持爭取二○一二年雙普選。黃毓民指：「公民黨『優雅』、民主黨『錫身』、社民連係『街頭派』，不過，整個泛民主派 都團結一致，爭取二○一二雙普選。」

湯家驊：我哋唔係鐵板一塊

他又表示：「我有一個建議，不過泛民都唔會聽㗎啦！如果人大（常委會）否決二○一二年雙普選，二十六位泛民主派議員（立法會）『總辭』，並且杯葛○八年大選（立法會選舉），到時，全世界都會睇住香港，點解立法會裏面無民主派的聲音。如果二○一二年無雙普選，大家都可以接受，咁各位想保留權位及政治影響力，唔該加入民建聯、自由黨」。

湯家驊則指：「我哋唔係『鐵板一塊』，如果人大常委可以表明，在二○一七年接受泛民主派的雙普選方案，我一定會拉你（黃毓民）去傾佢。」湯又認為，如果在○八年的立法會內，沒有民主派的聲音，「立法會開會可以好快傾完」、「政改方案可以好順利通過」、「市民唔想要的法案都可以通過，例如二十三條（《基本法 》）」。

卿姐：「形勢惡劣」方考慮

對於黃毓民「總辭」的建議，劉慧卿表示：「呢個係現在的建議，我相信個個團體都會回去考慮」、「如果形勢係非常之惡劣的時候，你想做一個好大的抗議呢，咁我相信咩都可以諗」。至於，何為「形勢惡劣」？她指：「最差的情況『即係乜到無，又唔知幾時有』、『二○一二年否決，將來唔知幾時有』。」

各位講者均呼籲市民，參加周六在立法會門外的集會及遊行。黃毓民指：「如果大家今次唔出嚟撐（二○一二雙普選），大家就番屋企瞓覺」、「星期六唔去、你死你事，唔好搵我」。湯家驊表示：「泛民絕食又試過、跳海又試過都無用，市民一定要參與……單靠泛民是無用的，中央（政府）唔會理呢二十六個人（立法會議員），不過，中央是會聽取香港民意。」

記者：蕭浩林

~ 好ar.