大嚿何鍾泰鬥嘴 譚耀宗大嗌「唔好嘈」

大嚿何鍾泰鬥嘴 譚耀宗大嗌「唔好嘈」 (明報) 07月 09日 星期三 05:10AM

【明報專訊】噚日財委會再次審批廣深港高速鐵路（香港段）（另稱區域快線）嘅設計及地盤勘測工作，上次成功開火迫使政府收回申請嘅社民連陳偉業，今次繼續鬧政府將工作批畀港鐵，違反世貿採購協議。撐政府做法嘅工程界代表何鍾泰，就畀陳偉業鬧佢唔尊重港鐵以外的工程師，「希望何鍾泰對其他工程師道歉」。何鍾泰都不甘示弱，即刻彈起身鬧陳偉業攻擊佢，要財委會主席譚耀宗出手制止。

見佢哋兩個「你一言，我一語」唔肯收嘴，譚耀宗好有權威咁大叫 ﹕「兩個都唔好嘈！」情形就如教師喝停班房內鬧交嘅小學生，其他議員都忍唔住笑。對於譚耀宗嘅「唔好嘈」命令，陳偉業心有不甘，一方面說《議事規則》無講過唔可以批評其他議員，又指摘譚耀宗打壓佢嘅言論自由。譚耀宗唯有重複叫大家按番議程去討論。

~ 咁都叫打壓言論自由? 絕食抗議啦笨.