香港政府 漁護處公然虐狗致吐血。現場留下一條血痕！

幫記者呼籲：有週刋記者想做一個專題報導，目擊者、留過言嘅狗議工、見過類似事件嘅網

友、什至乎話之前已經見過呢兩個漁護處人員嘅網友，你地可 唔可以直接聯絡該記者？大家出一分力，唔好俾呢啲事再發生！ chengxiatang@yahoo.com.hk

更新 20/7: 蘋果日報今日有報導http://hk.apple.nextmedia.com/template/apple/art_main.php?iss_id=20100720&sec_id=4104&subsec_id=11867&art_id=14257289
漁 護署發言人表示，當晚接到市民投訴，指有流浪狗在銀座廣場打交，遂派員捉狗。發言人說，兩頭狗體內沒有晶片，相信是流浪狗；經獸醫評估後，牠們 健康良好，但臉部有少許皮外傷，稍後會送到愛護動物組織等人領養。愛護動物協會發言人表示，一般都會以粗繩索捉狗，如狗隻極力掙扎， 對牠們會有一定傷害。此外，警方表示正跟進事件。

我有幾個問題：
1) 有人投訴有流浪狗在銀座廣場打交，喺唔喺真有其事？定只不過喺投訴有流浪狗，依家出咗事，就話打交。攪到好似好有危險，好有迫切性咁。
2) 就算真喺有狗打交，呢兩隻一向相依為命，當時喺餐廳範圍等嘢食，關佢地咩事？喺咪收到order就要求其搵啲狗交差？？
3) 當時咁多人出聲話隻狗喺佢地養嘅，你依家重話"相信是流浪狗"！！
4) 獸醫評估後健康良好？喺唔喺打漁護處工嘅獸醫定喺有交往嘅機構獸醫？可唔可以搵個獨立無利害關嘅獸醫睇吓佢？認真咁評估傷勢，將實情講俾大家 知。當時隻狗不單只留牙血，重吐咗幾次血。
5) 愛護動物協會發言人表示，一般都會以粗繩索捉狗，如狗隻極力掙扎，對牠們會有一定傷害。咁一般以外有無其他方法？有無好似電視新聞直播大半日， 捉野豬啲Good Show咁樣又溫柔又慢慢嚟嘅方法？你地一向知道咁會對佢地做成傷害點解唔做啲嘢？我當晚打你哋嘅"動物拯救服務及調查虐待 事件 (24 小時緊急熱線)"但無人聽，留咗email。尋日太多評論，我email爆哂。依家清番email見到你地嘅回覆。居然喺一個公 關經理(大家無睇錯)覆我，言詞打官腔、冷眼旁觀。我一向都唔明白你地個定位喺乜？叫咁多人做捐錢、做義工。不如將啲錢俾真喺為動物 爭取權益，地區性實事實幹班狗義工好過啦！
6) 警方表示正跟進事件。可唔可以透露吓點跟？邊個會知有無認真跟進？當晚個Madam沙展 都話會了解跟進。轉頭兩架AM車已經走咗。

大家作為市民，交差餉、納稅喺義務。作為公僕，亦都好應該盡你地嘅職責。有人手法粗暴虐 待狗隻，呢個喺大家都見到嘅事實。捉狗喺咪一定要咁做？漁護處咁做又喺唔喺合法虐畜？呢件事各部門好應該公開、認真咁處理。清楚咁向大家交待！
有 關部門可以喺度回應，大家都睇到。發言人話兩隻狗健康良好，可以放啲相上嚟。唔好剩喺有需要做宣傳就喺facebook開show。我地市民唔 洗你地做Good Show，我地要Good Job！

事發地點：天水圍銀座廣場，兩隻唐狗年多都一直是露天茶餐廳給予食物，和一眾食客 感情要好。
時間：2010年7月18日晚上9時多。

現場所見,狗隻全無反抗。眾人要求漁護處人員放開狗集，漁護處人員 還故意將頸圈索得更緊及拖行十尺留下一條血痕，狗隻不停吐血！

眾人要求先將狗隻給獸醫診治但不被理會。有市民報警求助。警察到 場第一時間不是找報案人而是先和遠處漁農處其他人員打招呼，然後才一起過來現場。最後拉散人群。現場數十人沒有人被要求做證人。最後 兩架AM車絕塵已去，並沒有留給報案人任何報案號碼及資料。

冷血金句: 鄺生春："流血係正常嘅,無問題！"
囂張金句: 鄺生春："我地喺AM車，同警察一樣，你地鍾意可以抄底車牌"

我放咗條片上網上空間，大家有需要可以下載和轉發。
http://www.mediafire.com/?1cmlfw9z9d4...

有網友提供以下兩個 facebook連結，大家幫忙關注一下：
請正視漁護處合法虐狗!!!(請幫忙傳開這社團)
http://www.facebook.com/group.php?gid...
聲 討漁護處職員鄺生春天水圍虐狗
http://www.facebook.com/group.php?gid...